கோப்பாயில் 3 கிலோ மாவா போதைப் பாக்குடன் மூவர் கைது செய்யப்பட்டுள்ளனர் என்று யாழ்ப்பாணம் மாவட்ட பொலிஸ் விசேட புலனாய்வுப் பிரிவினர் தெரிவித்தனர்.
வீடொன்றில் மாவா போதைப் பாக்கு விற்பனை செய்யப்படுகின்றது என்று கிடைத்த தகவலுக்கு அமைய மேற்கொள்ளப்பட்ட நடவடிக்கையில் சந்தேகநபர்கள் கைது செய்யப்பட்டுள்ளனர்.
இந்தச் சம்பவம் தொடர்பில் 21, 30 மற்றும் 41 வயதுடையவர்கள் கைது செய்யப்பட்டு கோப்பாய் பொலிஸ் நிலையத்தில் ஒப்படைக்கப்பட்டுள்ளனர்.
இந்தச் சம்பவம் தொடர்பான விசாரணைகள் முன்னெடுக்கப்படுகின்றன என்றும், விசாரணைகளின் பின்னர் சந்தேகநபர்கள் நீதிமன்றில் முற்படுத்தப்படுவார்கள் என்றும் கோப்பாய் பொலிஸார் தெரிவித்தனர்.
Discussion about this post