முல்லைத்தீவு, முள்ளிவாய்க்காலில் நூற்றுக்கும் மேற்பட்ட கைக்குண்டுகள் கண்டுபிடிக்கப்பட்டுள்ளன என்று பொலிஸார் தெரிவித்தனர்.
முள்ளிவாயக்கால் கிழக்கு சனசமூக நிலைய மண்டபத்துக்கு அருகே உள்ள காணி ஒன்றில் இருந்தே கைக்குண்டுகள் மீட்கப்பட்டுள்ளன.
காணி உரிமையாளார் காணியைத் துப்புரவாக்க முயன்றபோது, கைக்குண்டுகளை அவதானித்து பொலிஸாருக்குத் தகவல் வழங்கினார் என்று தெரிவிக்கப்படுகின்றது.
சம்பவ இடத்துக்குச் சென்று பொலிஸார் ஆய்வுகளை மேற்கொண்டபோது, 176 கைக்குண்டுகள் கண்டுபிடிக்கப்பட்டுள்ளன.
அந்தப் பகுதியில் அகழ்வுப் பணிகளை மேற்கொள்வதற்காக முல்லைத்தீவுப் பொலிஸார் நீதிமன்றத்தை நாடியுள்ளனர்.
Discussion about this post