இரண்டு தினங்களாக மண்ணெண்ணெய் வரிசையில் காத்திருந்த முதியவர் ஒருவர் உயிரிழந்துள்ளார்.

இந்தச் சம்பவம் யாழ்ப்பாணம் அளவெட்டியில் நடந்துள்ளது. அளவெட்டி மத்தியை சேர்ந்த கந்தசாமி நடராசா என்ற 80 வயது முதியவரே உயிரிழந்துள்ளார்.

இரண்டு நாள்களும் வரிசையில் காத்திருந்து மண்ணெண்ணெய் வாங்க முடியாது மனவிரக்தியுடன் வீடு திரும்பியவர் மனைவியிடம் இன்றும் தன்னால் மண்ணெண்ணெய் வாங்க முடியவில்லை என கவலையுடன் கூறி படுத்தவர், சில நிமிடங்களில் படுக்கையிலேயே உயிரிழந்துள்ளார்.

முதியவரின் இறப்பு அப்பகுதி மக்களிடம் பெரும் சோகத்தை ஏற்படுத்தி உள்ளது.