சர்வதேச கடற்பரப்பில் தத்தளித்த படகில் இருந்து மீட்கப்பட்ட 303 இலங்கையர்களில் 76 பேர் யாழ்ப்பாண மாவட்டத்தைச் சேர்ந்தவர்கள் எனத் தெரியவந்துள்ளது.
இவர்கள் மலேசியாவுக்கு விமானம் மூலம் சென்று, படகு மூலம் வேறொரு நாட்டுக்கு செல்வதற்காக பயணித்துள்ளனர். இவர்கள் கனடாவுக்குச் செல்லவே முயற்சித்துள்ளனர் என்று தெரியவருகின்றது.
படகில் ஏறுவதற்கு முன் ஆட்கடத்தல்காரர்களுக்கு பெரும்தொனைப் பணம் கொடுத்துள்ளனர் என்றும் அறியமுடிகின்றது.
விபத்துக்குள்ளான படகிலிருந்து மீட்கப்பட்ட 303 இலங்கையர்களும் தற்போது வியட்நாம் தலைநகர் ஹனோயில் இருந்து ஆயிரத்து 800 கிலோமீற்றர் தொலைவில் உள்ள வுங் தாவோ துறைமுகத்திற்கு அழைத்து செல்லப்பட்டுள்ளனர்.
அங்கு அவர்களுக்கு மருத்துவ சிகிச்சைகளும், அவசர உதவிகளும் வழங்கப்படுகின்றன என்று அந்த நாட்டுத் தகவல்கள் கூறுகின்றன.
Discussion about this post