பசில் மீண்டும் ஜனவரியில் இந்தியா செல்கிறார்

விடுமுறைக்காக அமெரிக்கா சென்றுள்ள நிதி அமைச்சர் பசில் ராஜபக்ஸ இந்த
வருடம் ஜனவரி மாதம் 10 ஆம் திகதி முதல் 12 ஆம் திகதி வரை இந்தியாவிற்கு
விஜயம் மேற்கொள்ளவுள்ளதாக அந்நாட்டு ஊடகங்கள் செய்தி வௌியிட்டுள்ளன.

பூகோள மாநாட்டிற்காக இந்தியா செல்வதுடன் இரு நாடுகளுக்கும் இடையிலான முதலீடுகள் குறித்தும் இவர் கலந்துரையாடவுள்ளதாக உரிய தகவல்கள்தெரிவிக்கின்றன.

வரவு செலவுத் திட்ட விவாதம் நடைபெற்றுக்கொண்டிருந்த போதும் டிசம்பர் முதலாம்
திகதி பசில் ராஜபக்ஸ இந்தியா சென்றிருந்தார்.

அந்த விஜயத்தின்போது இந்தியாவில் இருந்து இலங்கைக்கு
கிடைக்கவுள்ள திருகோணமலை எரிபொருள் களஞ்சியசாலையின் நவீனமயமாக்கல்
, எரிசக்தி பாதுகாப்பு உள்ளிட்ட நான்கு நிவாரணங்கள் தொடர்பில் கலந்துரையாடப்பட்டது.