தீவகக் கடற்கரைகளில் கரையொதுங்கும் கிருமிநாசினிகள்! – சுற்றுச் சூழலுக்கு ஆபத்தா?

யாழ்ப்பாணம் தீவகத்தில் 34 கிருமி நாசினி மூடைகள் கரையொதுங்கியுள்ளன.

இந்தியாவில் இருந்து இலங்கைக்குக் கடத்த முற்பட்டபோது, இலங்கைக் கடற்படையினரைக் கண்டு கடலில் வீசப்பட்ட கிருமி நாசினி மூடைகளே கரையொதுங்கியுள்ளன என்று கூறப்படுகின்றது.

தமிழ்நாட்டில் இருந்த கடந்த 27ஆம் திகதி நாட்டுப் படகில் கிருமி நாசினி கடத்தி வந்தவர்கள், ரோந்து நடவடிக்கையில் ஈடுபட்டிருந்த இலங்கைக் கடற்படையினரைக் கண்டதும் கிருமி நாசினி மூடைகளைக் கடலில் வீசி விட்டுத் தப்பிச் சென்றுள்ளனர் என்று தெரிவிக்கப்படுகின்றது.

அவ்வாறு வீசப்பட்ட கிருமிநாசினி மூடைகள் தற்போது அனலைதீவு, நெடுந்தீவுக் கடற்கரைகளில் கரையொதுங்குகின்றன.