எரிபொருள்களின் விலைகள் அதிகரிக்கும் சாத்தியம்! – நட்டத்தில் இயங்குமு் பெற்றோலியக் கூட்டுத்தாபனம்!

அரசாங்கம் எரிபொருள்களின் விலைகளில் மீண்டும் விலை அதிகரிப்பை மேற்கொள்ளத் திட்டமிட்டு வருகின்றது என்று தகவல்கள் வெளியாகியுள்ளன.

கடந்த 18ஆம் திகதி எரிபொருள் விலை அதிகரிக்கப்பட்ட போதிலும் இலங்கை பெற்றோலியக் கூட்டுத்தாபனம் தொடர்ந்தும் நட்டத்தைச் சந்தித்து வருகின்றது என்று மின்சக்தி மற்றும் எரிசக்தி அமைச்சர் காஞ்சன விஜேசேகர தெரிவித்துள்ளார்.

விலைகள் அதிகரித்துள்ள போதிலும் டீசல் மற்றும் பெற்றோல் நட்டத்திலேயே விற்பனை செய்யப்படுகின்றது என்று அமைச்சர் சுட்டிக்காட்டினார்.

ரூபாவின் பெறுமதி வீழ்ச்சி மற்றும் மசகு எண்ணெய் விலை அதிகரிப்பு காரணமாக நட்டம் தொடர்ச்சியாக அதிகரித்து வருகின்றது என்றும் அவர குறிப்பிட்டுள்ளார்.