நாளை புதன்கிழமை முதல் சமையல் எரிவாயு சிலிண்டர் விநியோகம் ஆரம்பிக்கப்படும் என்று லிட்ரோ நிறுவனம் அறிவித்துள்ளது. எனினும் ஆறு நாள்களுக்கு மட்டுமே வழங்க முடியும் என்று அந்த நிறுவனம் குறிப்பிட்டுள்ளது.
இந்த நிலையில், இன்று நள்ளிரவு முதல் அமுலுக்கு வரும் வகையில் லிட்ரோ சமையல் எரிவாயு 12.5kg 2 ஆயிரத்து 185 ரூபாவால் அதிகரிக்கப்பட்டு புதிய விலையாக 4 ஆயிரத்து 860 ரூபாவாக நிர்ணயம் செய்யப்பட்டுள்ளது.
5 kg எரிவாயு சிலிண்டர் 874 ரூபாவால் அதிகரிக்கப்பட்டு புதிய விலையாக ஆயிரத்து 945 ரூபாவாக நிர்ணயிக்கப்பட்டுள்ளது.
இதேவேளை, 2.3kg சமையல் எரிவாயு சிலிண்டர் 404 ரூபாவால் அதிகரிக்கப்பட்டுள்ளது.
3 ஆயிரத்து 500 மெற்றிக் தொன் எரிவாயு நேற்று நாட்டுக்கு கொண்டு வரப்பட்டது. எனினும் விநியோகம் இரண்டு நாள்களுக்குப் பின்னர்தான் ஆரம்பிக்கப்படும் என்று லிட்ரோ நிறுவனத்தின் தலைவர் விஜித ஹேரத் தெரிவித்திருந்த நிலையில் நாளை விநியோகம் மேற்கொள்ளப்படவுள்ளது.
Discussion about this post