இ.போ.ச. பஸ் மோதி தம்பதி படுகாயம்!

புதுக்குடியிருப்பு பொலிஸ் பிரிவுக்குட்பட்ட சுண்டிக்குளம் சந்தியில் நடந்த விபத்தில் கணவனும், மனையியும் படுகாயங்களுக்கு உள்ளாகியுள்ளனர்.

மோட்டார் சைக்கிளில் பயணித்த தம்பதியை, புதுகுடியிருப்பில் இருந்து பருத்தித்துறை நோக்கிப் பயணித்த இ.போ.ச. பஸ் வேகக் கட்டுப்பாட்டை இழந்து மோதியது என்று தெரிவிக்கப்படுகின்றது.

விபத்தில் படுகாயமடைந்தவர்கள் தருமபுரம் மருத்துவமனைக்கு கொண்டு செல்லப்பட்டு, அங்கிருந்து மேலதிக சிகிச்சைக்காக கிளிநொச்சி மருததுவமனைக்கு மாற்றப்பட்டுள்ளனர்.

விபத்தில் தொடர்புடைய பஸ் சாரதியும், நடத்துநரும் தருமபுரம் பொலிஸ் நிலையத்தில் சரணடைந்துள்ளனர்.

விபத்தை அடுத்து அந்தப் பகுதி மக்கள் பெருமளவில் கூடியதால் அங்கு பதற்ற நிலைமை ஏற்பட்டது. அந்தப் பகுதியில் பொலிஸாரும், சிறப்பு அதிரடிப் படையினரும் குவிக்கப்பட்டு பாதுகாப்பு பலப்படுத்தப்பட்டது. அதனால் அந்த வீதியூடான போக்குவரத்து பல மணிநேரம் தடைப்பட்டது.

விபத்துச் சம்பவம் தொடர்பாக புதுக்குடியிருப்புப் பொலிஸாரும், தருமபுரம் பொலிஸாரும் விசாரணைகளை முன்னெடுத்துள்ளனர்.