கபடி அணிக்கு கிளிநொச்சி யுவதிகள் மூவர் விஜயகுமார் நிதுசா,பாஸ்கரநாதன் டனுசா, இதயரஞ்சன் தேனுஜா தெரிவு .

இலங்கையின் தேசிய கபடி அணியில் முதற்கட்ட தெரிவில் கிளிநொச்சி
உருத்திரபுரம் சிவநகர் உழவர் ஒன்றிய விளையாட்டுக் கழகத்தின்வீராங்கனைகளான விஜயகுமார் நிதுசா,பாஸ்கரநாதன் டனுசா, இதயரஞ்சன் தேனுஜா ஆகியோர் தெரிவுசெய்யப்கப்பட்டனர்.

கடந்த 14.08.2021 நேற்றைய தினம் கொழும்பு இடம்பெற்ற  தேசிய கபடி அணிக்கான
முதற்கட்ட தெரிவில் நாடாளவிய ரீதியில் 25 பேர் கலந்துகொண்டனர் இதில் 18
பேர் தெரிவு செய்யப்பட்டுள்ளனர். இந்த 18 பேரில் கிளிநொச்சி யுவதிகள்
மூவரும் அடங்குகின்றனர்.

கிளிநொச்சி சிவநகர் பாடசாலையின் பழைய மாணவிகளான இவர்கள் உருத்திரபுரம்
உழவர் ஒன்றிய விளையாட்டுக் கழகத்தைச் சேர்ந்தவர்கள். ஆரம்ப கட்ட
பயிற்சியை ஆசிரியர் இராமநாதன் பரஞ்சோதி அவர்களிடம் பெற்ற இவர்கள் கடந்த
காலங்களில் தேசிய மட்ட போட்டிகளிலும் பங்குப்பற்றியிருந்தார்கள்.

எதிர்வரும் ஒக்ரோபர் மாதம் இடம்பெறவுள்ள ஆசிய மட்ட கபடி போட்டிக்கான
இலங்கை அணியின்  முதற்கட்டத்தில் தெரிவில்  இவர்கள் தெரிவு
செய்யப்பட்டுள்ளனர்.  தெரிவு செய்யப்பட்டுள்ள 18 பேரிலிருந்து இறுதியாக
12 பேர் தெரிவு செய்யப்படவுள்ளனர். இந்த தெரிவிலும் இவர்கள் தேசிய
அணிக்குள் உள்வாங்கப்படுவதற்கான அதிக வாய்ப்புக்கள் இருப்பதா
கூறப்படுகிறது.