இலங்கையின் பணவீக்கத்தில் ஏற்பட்டுள்ள மாற்றம்

தேசிய நுகர்வோர் விலைக் குறியீட்டின் அடிப்படையில் நாட்டின் வருடாந்த பணவீக்கம் ஜூலை 2024 இல் 2.5% ஆக சற்று அதிகரித்துள்ளதாக மக்கள் தொகைக் கணக்கெடுப்பு மற்றும் புள்ளிவிபரத் திணைக்களம் தெரிவித்துள்ளது.இது ஜூன் 2024 இல், இது 2.4% ஆக பதிவாகியுள்ளது.மேலும், ஜூன் 2024 இல் 1.9% ஆக இருந்த உணவு வகை பணவீக்கம் ஜூலை 2024 இல் 2.9% ஆக அதிகரித்துள்ளது.

உணவு அல்லாத பணவீக்கம்

இதேவேளை, ஜூன் மாதத்தில் பதிவான 2.7% இல் இருந்து 2024 ஜூலையில் உணவு அல்லாத பணவீக்கம் 2.2% ஆகக் குறைந்துள்ளதாக மக்கள் தொகைக் கணக்கெடுப்பு மற்றும் புள்ளிவிபரத் திணைக்களம் தெரிவித்துள்ளது.

ஜூன் மாதத்தில் 7.5% ஆக பதிவான போக்குவரத்து துணைப் பிரிவில் பணவீக்கம் ஜூலை 2024 இல் 4.9% ஆகக் குறைந்துள்ளது.அத்தோடு, சுகாதார துணைப் பிரிவில் பணவீக்கம் ஜூன் மாதத்தில் 1.7% இல் இருந்து 4.0% ஆக உயர்ந்துள்ளது.