பங்களாதேஷ் பாராளுமன்றம் இன்று(06) கலைக்கப்பட்டது.
பொதுமக்கள் எதிர்ப்பு ஆர்ப்பாட்டத்திற்கு மத்தியில் பதவி விலகிய பிரதமர் ஷேக் ஹசீனா இந்தியாவிற்கு சென்று 24 மணித்தியாலங்களுக்குள் பாராளுமன்றம் கலைக்கப்பட்டுள்ளது.
உடன் அமுலுக்கு வரும் வகையில் பாராளுமன்றத்தை கலைக்குமாறு ஜனாதிபதியால் அறிக்கை வௌியிடப்பட்டது.
இன்று மாலை 3 மணிக்கு முன்னர் பாராளுமன்றத்தை கலைக்காவிட்டால் எதிர்ப்பு நடவடிக்கையை மேலும் கடுமையாக்குவதாக பங்களாதேஷ் ஆர்ப்பாட்டக்காரர்கள் அறிவித்திருந்த பின்னணியிலேயே ஜனாதிபதியால் பாராளுமன்றம் கலைக்கப்பட்டுள்ளது.
அதற்கமைய முப்படையின் பிரதானிகள், அரசியல் கட்சிகளின் தலைவர்கள், சிவில் சமூக பிரதிநிதிகள் மற்றும் மாணவ செயற்பாட்டாளர்களுடன் இடம்பெற்ற கலந்துரையாடலின் பின்னர் பாராளுமன்றத்தை கலைப்பதற்கு ஜனாதிபதி தீர்மானித்தார்.
இடைக்கால அரசாங்கம் அமைக்கப்படும் என கூறிய பங்களாதேஷ் இராணுவத் தளபதி தேர்தல் நடத்தப்படும் என உறுதியளித்துள்ளார்.
Discussion about this post