இலங்கை பல்கலைக்கழக மானியங்கள் ஆணைக்குழு(University Grants Commission) 2023 ஆம் ஆண்டுக்கான மாணவர்களை பல்கலைக்கழகங்களுக்கு அனுமதிப்பது தொடர்பான விசேட அறிவிப்பை வெளியிட்டுள்ளது.
அந்த அறிவிப்பின்படி, 2023ஆம் ஆண்டு க.பொ.த உயர்தரத்தில் சித்தியடைந்த மாணவர்களை 2023/2024 கல்வியாண்டுக்கான தேசியப் பல்கலைக்கழகங்களுக்கு அனுமதிப்பதற்கான விண்ணப்பங்களை பல்கலைக்கழக மானியங்கள் ஆணைக்குழு தற்போது கோரியுள்ளது.
இன்றுடன் நிறைவு
இதன்படி, கடந்த வருட உயர்தரப் பெறுபேறுகளின்படி, பல்கலைக்கழக அனுமதிக்கு நிகழ்நிலை (ஒன்லைன்) மூலம் விண்ணப்பிப்பதற்கான கடைசித் திகதி இன்றுடன் (05) முடிவடைகிறது.
விண்ணப்பத்தை அனுப்பாத மாணவர்கள்
இதுவரை விண்ணப்பத்தை அனுப்பாத மாணவர்கள் பல்கலைக்கழக ஆணையத்தின் அதிகாரபூர்வ இணையதளத்திற்குச் சென்று உரிய விண்ணப்பத்தை சமர்ப்பிக்குமாறு பல்கலைக்கழக மானியங்கள் ஆணைக்குழு குழு நினைவூட்டியுள்ளது.
Discussion about this post