யாழ்ப்பாணம் வட்டுக்கோட்டையில் வாள் வெட்டுக்கு இலக்காகி உயிரிழந்த இளம் குடும்பஸ்தரை கடத்திச் செல்ல பயன்பட்ட மகிழுந்து இரத்த கறைகளுடன் பொலிஸாரால் மீட்கப்பட்டுள்ளது.
அதோடு குறித்த மகிழுந்தில் கொலைக்கு பயன்படுத்தப்பட்டதாக கருதப்படும் பொல்லுகள், இரும்பு கம்பிகள் என்பனவும் மீட்கப்பட்டுள்ளன.
நேற்று நள்ளிரவு யாழ்ப்பாணப் பிராந்திய குற்றத்தடுப்பு பிரிவு காவல்துறையினரால் மகிழுந்து வட்டுக்கோட்டை பகுதியில் நபரொருவரின் காணியில் மறைத்து வைக்கப்பட்டிருந்த நிலையில் மீட்கப்பட்டது.
மேலும் இந்த கொலைச் சம்பவத்துடன் தொடர்புடைய நான்கு சந்தேக நபர்கள் நேற்று கிளிநொச்சி பகுதியில் பதுங்கியிருந்த வேளையில் யாழ்ப்பாண பிராந்திய குற்றத்தடுப்பு பிரிவு பொலிஸாரால் கைது செய்யப்பட்டிருந்தனர்.
மனைவியுடன் சென்றுகொண்டிருந்த இளம் குடும்பஸ்தர் கடத்தப்பட்டு தாக்குதலுக்குள்ள நிலையில் உயிரிழந்தமை குறிப்பிடத்தக்கது.
Discussion about this post