புத்தளம் – சிலாபம் பிரதேசத்தில் போதைப்பொருள் குற்றங்கள் தொடர்பில் பொலிஸாரால் மேற்கொள்ளப்பட்ட சோதனையின் போது தப்பிச்செல்ல முயன்ற சந்தேக நபர் ஒருவர் உயிரிழந்துள்ளார்.
சம்பவத்தில் உயிரிழந்தவர் சிலாபம் – ரத்ண பிரதேசத்தை சேர்ந்த 35 வயதுடையவராவார். பொலிஸாரால் மேற்கொள்ளப்பட்ட சோதனையின் போது முச்சக்கரவண்டியில் பயணித்த சந்தேக நபர்கள் இருவரிடத்தில் சோதனை மேற்கொள்ளப்பட்டுள்ளது.
இரு தடவை கீழே தவறி வீழ்ந்து காயம்
இதனையடுத்து சந்தேக நபர்கள் இருவரும் முச்சக்கரவண்டியில் இருந்து இறங்கி தப்பிச்செல்ல முயன்றுள்ளனர்.
இதன்போது பொலிஸார் அவர்களை துரத்திச்சென்றுள்ள நிலையில் சந்தேக நபர்களில் ஒருவர் இரு தடவை கீழே தவறி வீழ்ந்து காயமடைந்த நிலையில் பொலிஸாரால் கைது செய்யப்பட்டிருந்தார்.
கைது செய்யப்பட்ட சந்தேக நபர் சிலாபம் வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக தெரிவித்த பொலிஸார் , மேலதிக விசாரணைகளை மேற்கொண்டு வருகின்றனர்.
Discussion about this post