யாழில் ஆண் ஒருவரின் சடலம் மீட்பு!

யாழ். குருநகர் பகுதியில் உள்ள ஐஸ் தொழிற்சாலை ஒன்றுக்கு அருகில் உள்ள தடாகத்தில் ஆணொருவரின் சடலம் கண்டுபிடிக்கப்பட்டுள்ளது.

குறித்த சடலம் இன்று (10.02.2024) காலை கண்டுப்பிடிக்கப்பட்டுள்ளதாக பொலிஸார் தெரிவித்துள்ளனர்.

மேலும் இந்த சடலத்தை அவதானித்த பிரதேசவாசிகள் பொலிஸ் நிலையத்திற்கு அறிவித்ததையடுத்து சம்பவ இடத்திற்கு பொலிஸார் விரைந்துள்ளனர்.

மேலதிக விசாரணை
அதேவேளை, குறித்த சடலம் இதுவரை அடையாளம் காணப்படவில்லை எனவும் தெரிவிக்கப்படுகிறது.

இந்நிலையில், சம்பவம் தொடர்பில் மேலதிக விசாரணைகளை பொலிஸார் மேற்கொண்டு வருகின்றனர்.