பாடசாலைக்குள் புகுந்து துப்பாக்கிச்சூடு நடத்திய இளைஞன்- மாணவனுக்கு நேர்ந்த சோகம்

அமெரிக்காவில் உள்ள பெர்ரி உயர்நிலைப் பாடசாலையில் Perry High School இடம்பெற்ற துப்பாக்கிச் சூட்டில் பலர்
காயமடைந்ததாக உள்ளூர் அதிகாரிகள் தெரிவித்துள்ளனர்.

இந்த சம்பவம் நேற்று முன்தினம் (04-01-2023) அயோவா மாநிலத்தில் உள்ள உயர்நிலைப் பாடசாலையில்
இடம்பெற்றுள்ளது.

குறித்த பாடசாலையில் நடந்த துப்பாக்கிச் சூட்டின் போது ஒரு இளம் வயது துப்பாக்கி ஏந்திய நபர் சக மாணவர்
ஒருவரைக் கொன்றதுடன் மேலும் 5 பேரைக் காயப்படுத்தியதாகவும் அதிகாரிகள் தெரிவித்தனர்.

17 வயதுடைய இளைஞன் நடத்திய துப்பாக்கிசூட்டில் 4 மாணவர்களும் ஒரு பாடசாலை நிர்வாகியும்
காயமடைந்துள்ளதாக அயோவா குற்றப் புலனாய்வுப் பிரிவின் உதவி இயக்குநர் மிட்ச் மோர்ட்வெட் தெரிவித்துள்ளனர்