பதுளை நகரில் அரியவகை வலம்புரி சங்கை 3 கோடி ரூபாவிற்கு விற்பனை செய்ய முயன்ற நபரை நுவரெலியா காவல்துறை விசேட அதிரடிப்படையினர் கைது செய்துள்ளதாக காவல்துறையினர் தெரிவித்தனர்.
பதுளை பதுலுபிட்டிய பிரதேசத்தை சேர்ந்த 38 வயதுடைய ஒருவரே கைது செய்யப்பட்டவராவார்.
பதுளை பதுலுபிட்டிய பிரதேசத்தில் நபர் ஒருவர் மிகவும் பெறுமதியான அரியவகை வலம்புரியை இரகசியமாக விற்பனை செய்யவுள்ளதாக கிடைத்த இரகசிய தகவலையடுத்து நுவரெலியா விசேட அதிரடிப்படையினர் கொள்வனவு செய்பவர்கள் போன்று மாறுவேடமிட்டு பதுளை நகருக்கு வந்து சந்தேகநபரிடம் வலம்புரியை வாங்குவது தொடர்பாக பேச்சு நடத்தி அவரை கைது செய்துள்ளனர்.
Discussion about this post