பிரபல நடிகை சிந்து புற்றுநோய் பாதிப்பால் காலமானார்.
அங்காடித்தெரு திரைப்படத்தில் நடித்து புகழ்பெற்றவர் நடிகை சிந்து. நாடோடிகள், தெனாவெட்டு, கருப்பசாமி குத்தகைதாரர், நான் மகான் அல்ல உள்ளிட்ட பல படங்களில் நடித்துள்ளார்.
பட வாய்ப்புகள் குறைந்த நிலையில் தொலைக்காட்சி தொடர்களில் நடித்து வந்தார்.
இந்நிலையில் கொரோனா காலத்தில், நடிகை சிந்து மார்பக புற்றுநோயால் பாதிக்கப்பட்டிருந்தார். புற்றுநோய் பரவியதில் ஒரு பக்கம் மார்பகம் எடுக்கப்பட்டது.
கழிப்பறைக்கு செல்லக்கூட அடுத்தவர் உதவி தேவைப்படும் பலவீனமான நிலையில் இருந்து வந்தார். இந்நிலையில் அவரின் இன்னொரு மார்பகத்திலும் புற்றுநோய் பரவிவிட்டது.
தனக்கு பண உதவி வேண்டும் என சிந்து தொடர்ந்து கோரி வந்த நிலையில் ராகவா லாரன்ஸ், தயாரிப்பாளர் ஐசரி கணேஷ், ரோபோ ஷங்கர் உள்ளிட்ட பலரும் உதவி செய்தனர்.
இந்த நிலையில் தனியார் மருத்துவமனையில் சிகிச்சை பெற்று வந்த சிந்து இன்று அதிகாலை உயிரிழந்தார்.
42 வயதே ஆன சிந்து உயிரிழந்துள்ளது திரையுலகினரையும் ரசிகர்களையும் அதிர்ச்சியில் ஆழ்த்தியுள்ளது.
Discussion about this post