மைத்திரியின் யாழ் வருகை – நல்லூரில் விசேட பூஜை வழிபாடு

சிறிலங்கா சுதந்திர கட்சியின் தலைவரும், முன்னாள் அதிபருமான மைத்திரிபால சிறிசேன யாழ்ப்பாண மாவட்டத்திற்கு விசேட விஜயம் மேற்கொண்டுள்ளார்.

யாழ் மாவட்ட நாடாளுமன்ற உறுப்பினர் அங்கஜன் இராமநாதனின் அழைப்பின் பெயரில் இன்றையதினம் யாழ்ப்பாணத்திற்கு வருகை தந்துள்ள மைத்திரிபால சிறிசேனா, இன்று முதல் மூன்று நாட்கள் யாழ்ப்பாணத்தில் தங்கியிருந்து பல்வேறு பொது நிகழ்வுகளிலும்,சந்திப்புக்களிலும் ஈடுபடவுள்ளார்.

யாழ்ப்பாணம் வருகை தந்துள்ள முன்னாள் அதிபர் மைத்திரிபால சிறிசேன, நல்லூர் கந்தசுவாமி ஆலயத்திற்கு சென்று விசேட பூஜை வழிபாடுகளிலும் கலந்து கொண்டுள்ளார்.

அந்தவகையில், முன்னாள் அதிபர் மைத்திரிபால சிறிசேன யாழ் மறைமாவட்ட ஆயர் கலாநிதி ஜஸ்ரின் பேணாட் ஞானப்பிரகாசம் ஆண்டகை அவர்களை சந்தித்துள்ளார்.

முன்னாள் அதிபர் மைத்திரிபால சிறிசேன யாழ்ப்பாணம் நாக விகாரையின் விகாராதிபதி ஸ்ரீ விமல தேரரையும் சந்தித்துள்ளார்.