கனடாவில் சிறைச்சாலையில் இருந்து பாடல் காணொளி வெளியிட்ட கைதி

கனடாவில் கொலை குற்றச்சாட்டு சுமத்தப்பட்ட பிரபல இசைக்கலைஞர் ஒருவர் சிறைச்சாலையில் இருந்து காணொளி ஒன்றை வெளியிட்டுள்ளார்.

இன்ஸ்டாகிராம் சமூக ஊடகத்தில் இந்த காணொளி கடந்த வாரம் வெளியிடப்பட்டுள்ளது. கனடாவின் முன்னணி ராப் இசை கலைஞரான ரப்பர் டாப் 5 (toronto-rapper-top5) என்ற பெயரையுடைய ஹசன் ஹலீ என்பவர் இவ்வாறு காணொளி என்று வெளியிட்டுள்ளார்.

மாணவர் ஒருவரை சுட்டுக் கொன்றதாக இவர் மீது குற்றம் சுமத்தி வழக்கு தொடரப்பட்டுள்ளது. சம்பவத்தின் பிரதான சந்தேக நபரான குறித்த இசைக்கலைஞர் தற்பொழுது ஒன்றாரியோவின் சிறைச்சாலை ஒன்றில் தடுத்து வைக்கப்பட்டுள்ளார்.

இவ்வாறான ஒரு பின்னணியில் இசை ஆல்பம் ஒன்றை எவ்வாறு வெளியிட்டார் என சர்ச்சை எழுந்துள்ளது. இது தொடர்பில் ஒன்றாறியோ மாகாண வழக்குரைஞர் நாயகம் விசாரணைகளை ஆரம்பித்துள்ளார்.