கனடாவில் அதிர்ஷ்ட இலக்கத்தை உடைய வீடு பெருந்தொகைக்கு விற்பனை

கனடாவில் அதிர்ஷ்ட முகவரி கொண்ட வீடு பெருந்தகைக்கு விற்பனை செய்யப்பட்டுள்ளது. பட்டியலிடப்பட்டு 48 மணித்தியாலங்களுக்குள் இந்த வீடு பெருந்தொகை பணத்திற்கு விற்பனை செய்யப்பட்டுள்ளதாக தெரிவிக்கப்படுகிறது.

கனடாவின் ஒன்றாரியோ மாகாணத்தின் மார்க்க பகுதியின் விக்டோரியா சதுக்க பகுதியில் அமைந்துள்ள வீடு ஒன்றை இவ்வாறு விற்பனை செய்யப்பட்டுள்ளது. இந்த வீடு சுமார் 1.79 மில்லியன் டொலர்களுக்கு விற்பனை செய்யப்பட்டுள்ளது.

பட்டியலிடப்பட்டு 48 மணித்தியாலங்களுக்குள் இந்த வீடு விற்பனை செய்யப்பட்டுள்ளது. இலக்கம் 18 ப்ரூஸ் தொம்சம் வீதியின் என்ற முகவரியை கொண்ட வீடு இவ்வாறு விற்பனை செய்யப்பட்டுள்ளது.

பொதுவாக சீன மக்கள் மத்தியில் 18 இலக்கம் மிகுந்த ராசியானது என ஓர் நம்பிக்கை காணப்படுகின்றது. இந்த நம்பிக்கையின் பிரகாரம் சீனர்கள் குறித்த வீட்டை கொள்வனவு செய்வதில் ஆர்வம் காட்டி வந்துள்ளனர்.

பட்டியலிடப்பட்ட தொகையை விடவும் ஐந்தரை லட்சம் டொலர் அதிக விலைக்கு இந்த வீடு விற்பனை செய்யப்பட்டுள்ளது. நான்கு படுக்கை அறைகள் நான்கு குளியலறைகள் கொண்ட இந்த வீடு குறுகிய காலத்தில் விற்பனை செய்யப்பட்டுள்ளதாக தெரிவிக்கப்படுகிறது.