பிரான்ஸிலிருந்து பிரித்தானியா செல்ல முயன்ற அகதிக்கு நேர்ந்த சோகம்!

பிரான்ஸில் வாகனம் ஒன்றில் ஏறி பிரித்தானியா செல்ல முயற்சித்த அகதி ஒருவர் அதே வாகனத்தில் மோதி பலியாகியுள்ளார்.

இச்சம்பவம் கடந்த புதன்கிழமை காலை Marck (Pas-de-Calais) நகரில் இடம்பெற்றுள்ளது.

அகதி ஒருவர் வீதியின் அருகே இருந்த மரம் ஒன்றில் ஏறி, வேகமாக பயணித்த கனரக வாகனம் ஒன்றில் குதிக்க முற்பட்டுள்ளார்.

அந்த முயற்சி பலனளிக்காமல் வாகனத்தின் முன்பக்கமாக விழுந்து, மோதுண்டுள்ளார். விபத்துக்குள்ளான அகதி சம்பவ இடத்திலேயே உயிரிழந்துள்ளார்.

இந்நிலையில் உயிரிழந்த அகதி சூடான் நாட்டைச் சேர்ந்தவர் என தெரிவிக்கப்பட்டுள்ளது. பிரான்ஸில் இருந்து பிரித்தானியா செல்லும் முயற்சியில் அவர் ஈடுபட்டு உயிரிழந்துள்ளதாக தெரிவிக்கப்பட்டுள்ளது.