வீட்டிலுள்ள வளர்ப்பு நாய் கொண்டு வந்த சிறிய பணப்பை ஒன்றில் ஒரு இலட்சம் ரூபாவுக்கும் அதிக பெறுமதி கொண்ட தங்க சங்கிலி ஒன்றும் 7 ரூபா பணமும் காணப்பட்டுள்ளது. பின்னர் அது உரியவர்களிடம் ஒப்படைக்கப்பட்டது.
இந்தச் சம்பவம் கண்டி அலதெனிய பிரதேசத்தில் நடந்துள்ளது.
வீதியோரம் கிடந்த பை ஒன்றை நாய் கொண்டு வந்துள்ளது. வீட்டின் உரிமையாளர் பையைப் பரிசோதித்தபோது அதில் பணமும், நகையும் இருந்துள்ளது.
அந்த பைக்குள் காணப்பட்ட தொலை பேசி இலக்கத்திற்கு அழைப்பை எடுத்த போது அது அக்கிராமத்தில் அயலில் உள்ள ஒருவர் என்றும் அவர்களது பணப்பை காணாமல் போனமையும் தெரியவந்துள்ளது.
பின்னர் அலதெனிய பொலிஸ் நிலையத்தில் இது தொடர்பில் தெரியப்படுத்தப்பட்டு, பணமும், தங்க நகையும் உரியவர்களிடம் ஒப்படைக்கப்பட்டுள்ளது.
Discussion about this post