சௌருபுர பிரதேசத்தில் உள்ள வரவேற்பு மண்டபம் ஒன்றில் இன்று காலை அங்குலான பொலிஸார் மேற்கொள்ளப்பட்ட திடீர் சோதனை நடவடிக்கையில் திருமண சம்பிரதாய உடையுடன் வயது குறைந்த மணமக்கள் கைது செய்யப்பட்டுள்ளனர்.
தேசிய சிறுவர் பாதுகாப்பு அதிகார சபைக்கு கிடைத்த முறைப்பாட்டை அடுத்தே பொலிஸார் இந்த சுற்றிவளைப்பை முன்னெடுத்திருந்தனர்.
கைது செய்யப்பட்ட மணப்பெண்ணுக்கு 15 வயது என்றும் மணமகனுக்கு 19 வயது என்றும் தெரிவிக்கப்படுகின்றது. இருவரும் நீண்ட நாட்களாக காதலித்துள்ளனர்.
இவர்களின் காதலுக்கு சிறுமியின் பெரிய தந்தை எதிர்ப்புத் தெரிவித்ததால், சிறுமி காதலனுடன் தப்பிச் சென்று மகொன பிரதேசத்தில் உள்ள உறவினர் வீட்டில் கணவன் மனைவியாக வசித்து வந்துள்ளனர். அதையடுத்து உறவினர்கள் தலையிட்டு திருமணத்தை நடத்த முயன்றுள்ளனர் என்று விசாரணையில் தெரியவந்துள்ளது.
சிறுமி மருத்துவ பரிசோதனைக்காக கொழும்பு தெற்கு மருததுவமனையில் சேர்க்கப்பட்டுள்ள நிலையில், இளைஞனை மொரட்டுவ நீதவான் நிதிமன்றில் முற்படுத்த நடவடிக்கை எடுக்கப்பட்டுள்ளது.
Discussion about this post