வவுனியா, புளியங்குளத்தில் நேற்றுக் காலை நடந்த விபத்தில் ஒருவர் உயிரிழந்துள்ளார்.
பஞ்சநாதன் குகேந்திரன் (வயது-44) என்பவரே உயிரிழந்தவராவார்.
புளியங்குளம் பாடசாலைக்கு முன்பாக இந்த விபத்து நடந்துள்ளது. வவுனியா நகர்ப் பகுதியில் இருந்து யாழ்ப்பாணம் நோக்கிப் பயணித்த ஹைஏஸ் வாகனமொன்று, எதிர்த்திசையில் வந்த மோட்டார் சைக்கிளுடன் மோதியதாலேயே இந்த அனர்த்தம் நிகழ்ந்தது.
மோட்டார் சைக்கிளில் பயணித்தவர் படுகாயமடைந்த நிலையில், வவுனியா பொது மருத்துவமனையில் சேர்க்கப்பட்டார். அங்கு அவர் சிகிச்சை பயனின்றி உயிரிழந்தார் என்று மருத்துவர்கள் தெரிவித்தனர்.
இந்த விபத்துச் சம்பவம் தொடர்பாக புளியங்குளம் பொலிஸார் விசாரணைகளை முன்னெடுத்துள்ளனர்.
Discussion about this post