சைக்கிளில் சென்ற முதியவர் லொறி மோதியதில் உயிரிழந்துள்ளார். இந்தச் சம்பவம் இன்று நண்பகல் அச்சுவேலி – தெல்லிப்பழை வீதியில் நடந்துள்ளது.
அச்சுவேலி, பத்தமேனியைச் சேர்ந்த தம்பிப்பிள்ளை கனகரட்ணம் என்ற 72 வயது முதியவரே உயிரிழந்துள்ளார்.
அச்சுவேலி எரிபொருள் நிரப்பு நிலையத்தில் டீசல் நிரப்புவதற்காக வரிசையில் நின்ற லொறி நகர முயன்றபோது சைக்கிளில் பயணித்த முதியவரை மோதியுள்ளது. சைக்கிளுடன் கீழே விழுந்த முதியவரின் நெஞ்சில், சைக்கிள் கைபிடி ஏறியது என்று கூறப்படுகின்றது.
இந்தச் சம்பவம் தொடர்பாக அச்சுவேலிப் பொலிஸார் விசாரணைகளை முன்னெடுத்துள்ளனர்.
அதேவேளை, சில தினங்களுக்கு முன்னர் புத்தூர் எரிபொருள் நிரப்பு நிலையத்தில் டீசலுக்காகக் காத்திருந்த பஸ் ஒன்றின் சக்கரத்தில் சிக்கி, இளம் குடும்பஸ்தர் ஒருவர் உயிரிழந்திருந்தார்.
Discussion about this post