டெங்கால் உயிரிழந்த மாணவன் புலமைப் பரீட்சையில் சித்தி!- சாவகச்சேரியில் சோகம்!!

டெங்குத் தொற்றால் உயிரிழந்த, மீசாலை வீரசிங்கம் ஆரம்ப பாடசாலை மாணவன், தரம் 5 புலமைப்பரிசில் பரீட்சையில் 155 புள்ளிகள் பெற்றுச் சித்தியடைந்துள்ளார்.

புலமைப் பரிசில் பரீட்சைக்குத் தோற்றிய குறித்த மாணவன், கொக்குவிலில் தங்கியிருந்த வேளையில் காய்ச்சல் காரணமாக யாழ்,போதனா மருத்துவமனையில் சேர்க்கப்பட்டிருந்தார்.

டெங்குத் தொற்றால் சிகிச்சை பயனின்றி கடந்த மாதம் உயிரிழந்திருந்தார். இந்த மாணவன் நேற்றுமுன்தினம் வெளியான பரீட்சை முடிவுகளில் வெட்டுப்புள்ளியைக் கடந்து 155 புள்ளிகளைப் பெற்றுள்ளார்.