3,000 போதை மாத்திரைகளுடன் யாழ்.நகரப் பகுதியில் ஒருவர் கைது!!

போதை மாத்திரைகளை உடைமையில் வைத்திருந்த குற்றச்சாடடில் யாழ்ப்பாணம் நகரப் பகுதியில் ஒருவர் கைது செய்யப்பட்டுள்ளார்.

உபபொலிஸ் பரிசோதகர் மேனன் தலைமையில் யாழ். மாவட்ட குற்றத் தடுப்புப் பிரிவு நடத்திய சுற்றிவளைப்பு நடவடிக்கையின்போதே சந்தேகநபர் கைது செய்யப்பட்டுள்ளார்.

கைது செய்யப்பட்டவரிடம் இருந்து 3 ஆயிரம் போதை மாத்திரைகள் கைப்பற்றப்பட்டுள்ளன என்று பொலிஸார் தெரிவித்தனர்.

சந்தேகநபரிடம் விசாரணைகள் மேற்கொள்ளப்படுகின்றன என்றும், விசாரணைகளின் பின்னர் அவர் நீதிமன்றில் முற்படுத்தப்படுவார் என்றும் பொலிஸார் தெரிவித்தனர்.