20 இலட்சம் அதிஸ்டத்தை நம்பி 50 ஆயிரத்தை பறிகொடுத்த பெண்.

கிளிநொச்சியில் பெண் தலைமைத்துவ குடும்ப பெண் ஒருவரிடம் 0779823271 அழைப்பை மேற்கொண்ட ஒருவர் டயலொக் தொலைபேசி வலையமைப்பு அலுவலர் போன்று உரையாடியவர் குறித்த பெண்ணுக்கு 20 இலட்சம் ரூபா அதிஸ்டம் கிடைத்துள்ளது எனத் தெரிவித்தவர் அதிஸ்டத்தின் திகதி நேற்றுடன் முடிவுற்றுள்ளது. அதனை மீளவும் புதுப்பிக்க அரசாங்கத்திற்கு வரி செலுத்த வேண்டும் எனவே நாம் கூறும் தொலைபேசி இலக்கங்களுக்கு 50 ஆயிரம் ரூபாவை eZ cash மூலம் பணத்தை அனுப்பிவிட்டு அருகிலுள்ள டயலொக் நிறுவனத்துக்கு செல்லுமாறு கூறியுள்ளனர்.அதற்கு குறித்த பெண் டயலொக் நிறுவனம் பூட்டப்பட்டு இருப்பதாக கூறியபோது அவர்கள் இலங்கை வங்கிக்கு அடையாள அட்டை, உள்ளிட்ட சில ஆவணங்களை குறிப்பிட்டு அவறின் பிரதிகளுடன் செல்லுமாறும் தெரிவித்துள்ளனர்.இதனை நம்பிய குறித்த பெண் கடன் பெற்று அவர்கள் குறிப்பிட்ட 0740236933, 0741073345, 0741082611, 0741056057, 0741084823 ஆகிய 5 இலக்கங்களுக்கு தலா 10 ஆயிரம் ரூபா வீதம் eZ cash மூலம் அனுப்பி விட்டு இலங்கை வங்கி சென்று அங்கிருந்து தனக்கு தொலைபேசி அழைப்பை மேற்கொள்ளுமாறு தெரிவித்துள்ளார். எனவே குறித்த பெண்ணும் பணத்தை அனுப்பிவிட்டு வங்கி சென்று அங்கிருந்து 0779823271 இவ்விலகத்திற்கு அழைப்பை மேற்கொண்ட போது தொலைபேசி செல்லுபடியற்ற இலக்கம் பதில் வந்துள்ளது. இதன்பின்னரே தான் ஏமாற்றப்பட்ட விடயத்தை அவர் உணர்ந்துள்ளார்.இதற்கிடையில் குறித்த பெண் உரையாடிவருடன் தனக்கு இதில் நம்பிக்கையில்லை தான் ஏமாற்றப்படலாம் எனத் தெரிவித்த போது உரையாடிவர் அப்படியானால் நீங்கள் எங்களது முகாமையாளருடன் பேசுங்கள் என தொலைபேசியை பிரிதொருவரிடம் வழங்க அவரும் ஒரு முகாமையாளர் போன்று சிங்களத்தில் உரையாயாடியுள்ளார். இதன் பின்னரே குறித்த பெண் தனக்கு அதிஸ்டம் வீழ்ந்துள்ளது என நம்பியுள்ளார்.நன்கு திட்டமிட்டு ஒரு கூட்டம் மோசடிகளில் ஈடுப்பட்டு வருகிறது அந்த பெண்ணின் பெயர் முகவரி அடையாள அட்டை இலக்கம் போன்ற தனிப்பட்ட தகவல்களை ஏதோ ஒரு வழியில் பெற்று நம்பிக்கைத் தரும் வகையில் உரையாடி ஏமாற்றுகின்றனர். எனவே பொது மக்கள் மிகவும் அவதானத்துடன் இருப்பது அவசியம்.