ஊசி மூலம் ஹெரோய்ன் போதைப் பொருளை ஏற்றிக் கொண்டிருந்த நால்வர் யாழ்ப்பாணம், அரசடிப் பகுதியில் வைத்துக் கைது செய்யப்பட்டுள்ளனர்.
அவர்களிடம் இருந்து 2 கிராம் ஹெரோய்ன் போதைப் பொருள் மீட்கப்பட்டுள்ளது என்று யாழ்ப்பாணம் குற்றத் தடுப்புப் பொலிஸ் பிரிவின் உப பொலிஸ் பரிசோதகர் மேனன் தெரிவித்தார்.
கைது செய்யப்பட்டவர்களில் இருவருக்கு ஏற்கனவே திறந்த நீதிமன்ற பிடிவிறாந்து காணப்படுகின்றது என்று தெரிவிக்கப்படுகின்றது.
பளையைச் சேர்ந்த ஒருவரிடம் ஹெரோய்ன் பெற்றுக்கொள்ளப்படுகின்றது என்றும், அது எழுதுமட்டுவாழ் பகுதியில் வைத்துக் கைமாற்றப்படுகின்றது என்றும் கைது செய்யப்பட்டவர்கள் தங்களது வாக்குமூலத்தில் தெரிவித்தனர்.
சந்தேகநபர்கள் விசாரணைகளின் பின்னர் நீதிமன்றத்தில் முற்படுத்தப்படுவார்கள் என்று யாழ்ப்பாணம் மாவட்டக் குற்றத் தடுப்புப் பிரிவுப் பொலிஸார் தெரிவித்தனர்.
Discussion about this post