வெள்ளத்தில் மூழ்கும் நிலைமையில் நாடாளுமன்றம் – அவசர நடவடிக்கைகள் ஆரம்பம்

கடும் மழை காரணமாக தியவன்னா ஓயாவின் நீர்மட்டம் வேகமாக உயர்ந்து வருவதால், நாடாளுமன்ற வளாகம் வெள்ளத்தில் மூழ்கும் அபாயம் ஏற்பட்டுள்ளது.

மழை தொடருமானால், தியவன்னா ஓயா நீர் நிரம்பி வழியும் மட்டத்தை எட்டும் என கடற்படையினர் தெரிவித்துள்ளனர்.

நாடாளுமன்ற வளாகத்துக்குள் நீர் செல்வதை தடுக்கும் வகையில் தியவன்னா ஓயாவில் மணல் மூட்டைகளை அடுக்குவதற்கான நடவடிக்கைகள் கடற்படையினரால் முன்னெடுக்கப்பட்டுள்ளது.

அதேவேளை, நாடாளுமன்ற வளாகத்தின் கீழ் தளத்தில் உள்ள அறைகளின் உடமைகள் அனைத்தும் முன்னெச்சரிக்கை நடவடிக்கையாக முதல் மாடிக்கு கொண்டு செல்லப்பட்டுள்ளன.