யாழ்ப்பாணம், வல்வெட்டித்துறை நெடிகாட்டில் இளம் கணவனும் மனைவியும் தீயில் எரிந்து உயிரிழந்த நிலையில் மீட்கப்பட்டுள்ளமை பெரும் அதிர்ச்சியை ஏற்படுத்தியுள்ளது.
அவர்களின் வீட்டில் உள்ள அறை ஒன்றிலேயே இருவரது சடலங்களும் காணப்பட்டன. இன்று சனிக்கிழமை அதிகாலை அறையில் தீ பரவியிருக்கலாம் என்று நம்பப்படுகின்றது.
30 வயதான சரவணபவா ரஞ்சித்குமார் மற்றும் அவரது மனைவியான 26 வயதான கிருசாந்தினி ஆகியோரே சடலமாக மீட்கப்பட்டுள்ளனர்.
தம்பதிகளின் அறையில் இருந்து புகை கிளம்புவதை வீட்டிலிருந்தவர் அவதானித்துக் கதவை உடைத்துச் சென்றபோது, இவரும் தீயில் எரிந்து இறந்த நிலையில் காணப்பட்டுள்ளனர் என்று பொலிஸ் விசாரணையில் தெரிவிக்கப்பட்டுள்ளது.
இந்தச் சம்பவம் தொடர்பாக வல்வெட்டித்துறைப் பொலிஸார் விசாரணைகளை ஆரம்பித்துள்ளனர். தம்பதிகள் எவ்வாறு தீயில் எரிந்து உயிரிழந்தார்கள் என்பது விசாரணைகளின் பின்னரே தெரியவரும் என்று பொலிஸார் தெரிவித்தனர்.
Discussion about this post