விற்பனை நிலையத்திற்குள் ஆயுதங்களுடன் நுழைந்து கொள்ளையிட்ட இருவர்!

கொழும்பு – மீகொடை பகுதியில் நேற்றைய தினம் (25-09-2023) கொள்ளை சம்பவம் ஒன்று இடம்பெற்றுள்ளது.

மீகொடையில் உள்ள மொத்த விற்பனை நிலையம் ஒன்றிற்கு ஆயுதங்களுடன் வந்த இரண்டு பேர் பணத்தை கொள்ளையிட்டு தப்பிச் சென்றுள்ளதாக கூறப்படுகின்றது.

இச்சம்பவத்தின் போது சுமார் 8 மில்லியன் ரூபா வரை கொள்ளையிட்டு சென்றுள்ளதாக பொலிஸார் தெரிவிக்கின்றனர்.

குறித்த சம்பவத்துடன், தொடர்புடைய சந்தேகநபர்கள் தப்பிச்சென்றுள்ள நிலையில், அவர்களை கைதுசெய்யும் நடவடிக்கையில் பொலிஸார் தீவிரமாக செயற்பட்டு வருவதாக தெரிவித்துள்ளனர்.