யாழ்ப்பாணம் மாவட்டச் செயலகத்துக்கு அருகில் உள்ள ஐ.ஓ.சி. எரிபொருள் நிரப்பு நிலையத்தில் வாகனங்களின் இலக்கங்களைப் பதிவு செய்து எரிபொருள் வழங்க நடவடிக்கை எடுக்கப்பட்டுள்ளது.
தேவையற்ற காத்திருப்பைத் தவிர்க்கும் நோக்குடன் இந்த நடவடிக்கை எடுக்கப்பட்டுள்ளது என்று யாழ்ப்பாணம் மாவட்ட மேலதிக செயலாளர் ம.பிரதீபன் தெரிவித்தார்.
ஐ.ஓ.சி. எரிபொருள் நிரப்பு நிலையத்தில் காத்திருக்கும் 400 முச்சக்கர வண்டிகள், 100 கார்கள், ஆயிரம் மோட்டார் சைக்கிள்களின் இலக்கங்கள் பதிவு செய்யப்பட்டு அந்த ஒழுங்கில் எரிபொருள் விநியோகிக்கப்படவுள்ளது.
இந்த எண்ணிக்கைக்கு மேலதிகமாகக் காத்திருக்கும் வாகனங்களின் இலக்கங்கள் பதிவு செய்யப்பட்டு, உரிமையாளர்களின் கைபேசி இலக்கமும் பதிவு செய்யப்படும்.
அவர்களுக்கான எரிபொருள் வழங்கும் திகதி முதல் நாள் குறுஞ்செய்தி ஊடாகத் தெரியப்படுத்தப்படும் என்றும் அவர் தெரிவித்துள்ளார்.
Discussion about this post