வவுனியாவில் மின்சாரம் தாக்கி 22 வயது இளைஞர் ஒருவர் உயிரிழந்துள்ளார். இந்தச் சம்பவம் இன்று (8) நடந்துள்ளது.

வவுனியா, கூமாங்குளத்தைச் சேர்ந்த செல்வராசா கேதீஸ்வரன் என்ற 22 வயது இளைஞரே உயிரிழந்துள்ளார்.

வெங்காயத் தோட்டத்துக்கு நீர் பாய்ச்சுவதற்கு உதவியாக மின்சார மின்குமிழின் உதவியுடன் இவர் வெளிச்சம் பாய்ச்சிக் கொண்டிருந்தார்.

அப்போது மின்சார வயரில் ஏற்பட்ட மின் ஒழுக்குக் காரணமாக இளைஞம் மின் தாக்கத்துக்கு இலக்காகியுள்ளார்.

அவர் உடனடியாக வவுனியா மருத்துவமனைக்குக் கொண்டு செல்லப்பட்டபோதும், சிகிச்சை பயனின்றி அவர் உயிரிழந்துள்ளார்.

இந்தச் சம்பவம் தொடர்பாக வவுனியா பொலிஸார் விசாரணைகளை முன்னெடுத்துள்ளனர்.