பூநகரி பிரதேச செயலர் பிரிவுக்குட்பட்ட நாச்சிக்குடா மக்கள் தமக்கான அடிப்படை வசதிகளை ஏற்படுத்தித் தர வேண்டும் என்று கோரி கவனவீர்ப்புப் போராட்டம் ஒன்றை நேற்றுமுன்தினம் முன்னெடுத்தனர்.
நாச்சிக்குடா பள்ளிவாசல் முன்பாக ஒன்றுகூடிய மக்கள் பேரணியாக பதாகைகளை ஏந்தியவாறு ஏ-32 வீதி நாச்சிக்குடா சந்திவரை சென்று கவனவீர்ப்புப் போராட்டத்தில் ஈடுபட்டனர்.
“ஜனாதிபதியே எம்மை திரும்பி பாருங்கள்”, “மாவட்ட ஒருங்கிணைப்புக் குழுக் கூட்டங்களுக்கு எம்மை அழைக்காதது ஏன்”, “எமது உரிமைகளை எமக்கு தா”, “எமக்கான அடிப்படை வசதிகளை ஏற்படுத்தித் தாருங்கள்” போன்ற பதாகைகளை ஏந்தியவாறு 100 க்கும் மேற்பட்ட பொதுமக்கள் போராட்டத்தில் ஈடுபட்டனர்.
Discussion about this post