ஜனாதிபதி ரணில் விக்கிரமசிங்க கடுமையான நடவடிக்கைகளை நடைமுறைப்படுத்தாவிட்டால் நாடு பொருளாதார படுகுழிக்குள் விழும் என்று இலங்கை மத்திய வங்கியின் முன்னாள் ஆளுநர் இந்திரஜித் குமாரசாமி தெரிவித்துள்ளார்.
இலங்கை பழைய நிலைமையை அடைய 5 ஆண்டுகள் எடுக்கும் என்று குறிப்பிட்ட அவர், அதற்கு ரணில் அரசாங்கம் கடுமையான நடவடிக்கைகளை எடுக்க வேண்டும் என்று சுட்டிக்காட்டினார்.
மக்களைக் கவர்வதற்கான ஜனரஞ்சக அரசியலால் நாட்டை மீட்க முடியாது என்று தெரிவித்த அவர், ஜனாதிபதி ரணில் விக்கிரமசிங்க அதைப் புரிந்துகொண்டால் நாட்டை மீட்க முடியும் என்று தெரிவித்தார்.
இலங்கையிடம் அந்நியச் செலாவணியோ, ரூபாவோ இல்லை என்பதால் நாணயங்களை அச்சிட வேண்டிய கடும் அழுத்தம் இலங்கை மத்திய வங்கிக்கு ஏற்பட்டுள்ளது என்றும் இந்திரஜித் குமாரசாமி குறிப்பிட்டுள்ளார்.
Discussion about this post