யாழ்ப்பாணத்தில் பெற்றோல் வரிசையில் காத்திருந்தவர் வீழ்ந்து உயிரிழப்பு!!

யாழ்ப்பாணம், கொக்குவில் பகுதியில் உள்ள எரிபொருள் நிரப்பு நிலையத்தில் பெற்றோல் பெறக் காத்திருந்த குடும்பஸ்தர் திடீரென மயங்கி சரிந்து உயிரிழந்துள்ளார்.

புன்னாலைக்கட்டுவனைச் சேர்ந்த 38 வயதான சிவசோதிலிங்கம் என்பவரே உயிரிழந்துள்ளார்.

இவா் தனது மோட்டார் சைக்கிளுக்கான பெற்றோலைப் பெற்றுக்கொள்ள தனது கியூ.ஆர். குறியீட்டை காண்பித்த நிலையில் மோட்டார் சைக்கிளுடன் மயங்கி சரிந்து வீழ்ந்துள்ளார்.

அங்கிருந்தவர்கள் அவரை வைத்தியசாலையில் சேர்த்தபோதும் அவர் உயிரிழந்துள்ளார். ஆரம்ப கட்ட வைத்திய பரிசோதனைகளின் அடிப்படையில் உயிரிழப்புக்கு மாரடைப்பே காரணம் என அறிக்கையிடப்பட்டுள்ளது.