யாழ்ப்பாணம், நாவற்குழி மற்றும் கெற்பேலி பகுதிகளில் நேற்று நடந்த வாள்வெட்டுச் சம்பவங்களில் இருவர் படுகாயமடைந்துள்ளனர்.
படுகாயமடைந்தவர்கள் சாவகச்சேரி வைத்தியசாலையில் சேர்க்கப்பட்டு, மேலதிக சிகிச்சைக்காக யாழ்ப்பாணம் போதனா மருத்துவமனைக்கு மாற்றப்பட்டுள்ளனர்.
நாவற்குழி பல நோக்குக் கூட்டுறவுச் சங்கத்தின் முன்பாக நடந்த வாள்வெட்டுச் சம்பவத்தில் கைதடியைச் சேரந்த 24 வயதான ரத்தினகுமார் சுவின்சன் என்பவர் படுகாயமடைந்துள்ளார்.
கெற்பேலியில் நடந்த வாள்வெட்டுச் சம்பவத்தில் மிருசுவிலைச் சேர்ந்த 36 வயதுடைய இராசதுரை கோணேஸ்வரன் என்பவர் படுகாயமடைந்துள்ளார்.
இந்தச் சம்பவங்கள் தொடர்பாக சாவகச்சேரிப் பொலிஸார் விசாரணைகளை முன்னெடுத்துள்ளனர்.
Discussion about this post