முல்லைத்தீவு காவல்துறை பிரிவுக்குட்பட்ட ஆண்டாங்குளம் பகுதியிலுள்ள வீட்டுக் காணியிலிருந்து வெடிகுண்டு கண்டுபிடிக்கப்பட்டுள்ளதாக முல்லைத்தீவு காவல்துறையினர் தெரிவித்துள்ளனர்.
இச்சம்பவம் குறித்து மேலும் தெரியவருகையில், குறித்த பகுதியிலுள்ள வீட்டுக்காணி ஒன்றினை அதன் உரிமையாளர் துப்பரவு செய்தபோது, காணியில் மோட்டார் செல் இருந்துள்ளதை கண்டுள்ளார்.
இது தொடர்பில் முல்லைத்தீவு காவல்துறையினருக்கு வீட்டுக்காணியின் உரிமையாளர் முறைப்பாடு செய்துள்ளார்.
அதன் பின்னர், சம்பவ இடத்துக்குச் சென்ற காவல்துறையினர் நீதிமன்ற அனுமதியோடு விசேட அதிரடிப்படையினரின் உதவியுடன் காணியில் இருந்த மோட்டார் குண்டை நேற்றைய தினம் (14) செயலிழக்கச் செய்துள்ளனர்.
இது தொடர்பான மேலதிக விசாரணையினை முல்லைத்தீவு காவல்துறையினர் மேற்கொண்டு வருகின்றனர்.
Discussion about this post