யாழ்ப்பாணம், சங்கனையில் வீதியில் பயணித்த முதியவர் ஒருவரைக் கத்தியால் வெட்டிக் காயப்படுத்தி விட்டு அவரது தங்கச்சங்கிலி அபகரித்துச் செல்லப்பட்டுள்ளது.
இந்தச் சம்பவத்தில் காயமடைந்த முதியவர் மருத்துவமனையில் சேர்க்கப்பட்டுள்ளார்.
வீதியால் தனித்துப் பயணித்த முதியவரை இரு கொள்ளையர்கள் வழிமறித்துத் தாக்கி, ஒன்ரறைப் பவுண் சங்கிலி மற்றும் 15 ஆயிரம் ரூபா பணம் என்பவற்றைக் கொள்ளையிட்டுத் தப்பிச் சென்றுள்ளனர்.
இந்தப் பகுதியில் வழிப்பறிச் சம்பவங்கள் அதிகரித்துள்ளன என்று பொதுமக்கள் கூறுகின்றனர். இது தொடர்பில் பொலிஸார் உடனடியாக நடவடிக்கை எடுக்க வேண்டும் என்றும் அவர்கள் கோரிக்கை விடுத்துள்ளனர்.
Discussion about this post