மக்கள் மஹிந்த ராஜபக்ச வீட்டுக்கு செல்ல வேண்டும் என்று போராட்டம் நடத்தவில்லை. அவர் மீண்டும் பிரதமராகலாம் என பெருந்தோட்ட கைத்தொழில் இராஜாங்க அமைச்சர் லொகான் ரத்வத்த தெரிவித்தார்.
பனை அபிவிருத்தி சபையின் தலைமை அலுவலக் கட்டிடத் தொகுதி திறப்பு விழாவில் கலந்துகொண்ட பின்னர் ஊடகங்களுக்கு கருத்து தெரிவித்தபோதே அவர் இவ்வாறு தெரிவித்தார்.
முன்னாள் பிரதமர் மஹிந்த ராஜபக்ச மக்கள் எதிர்ப்பால் சற்று விலகி இருக்கின்றாரே தவிர அவர் வீட்டுக்குச் செல்ல வேண்டும் என்று மக்கள் பணிக்கவில்லை. அவர் மீண்டும் பிரதமராக வருவதில் எந்த பிரச்சினையும் கிடையாது.
நாடாளுமன்றத்தில் உரிய முறையில் தெரிவு இடம்பெறும் போது மஹிந்த ராஜபக்ச மீண்டும் பிரதமராக வரக்கூடிய சாத்தியம் உள்ளது. தற்போதுள்ள பிரதமருக்கு நாங்கள் முழுமையான ஆதரவினை வழங்கி வருகின்றோம் எனவும் லொகான் ரத்வத்த தெரிவித்தார்.
Discussion about this post