மின்சாரக் கட்டணத்தின் நியாயமற்ற அதிகரிப்பு காரணமாக, அகில இலங்கை தொடர்பாடல் உரிமையாளர்கள் சங்கம் போட்டோ பிரதி மற்றும் பிரிண்ட் அவுட் கட்டணங்களை 5 ரூபாவால் அதிகரிக்கத் தீர்மானித்துள்ளது.
அண்மைக்கால மின்வெட்டுகளால் தமது தொழிலை முன்னெடுப்பதில் நெருக்கடி ஏற்பட்டுள்ளது என்று அந்தச் சங்கத்தின் தலைவர் இந்திரஜித் பெரேரா ஊடகங்களுக்கு தெரிவித்தார்.
மக்களின் சம்பளம் மற்றும் வருமானத்தில் அதிகரிப்பு இல்லை, ஆனால் அவர்களின் செலவுகள் நாளுக்கு நாள் அதிகரித்து வருகின்றன என்றும் அவர் சுட்டிக்காட்டினார்.
அனைத்து அத்தியாவசியப் பொருட்கள் மற்றும் பயன்பாட்டுப் பொருட்களின் விலைகளை உயர்த்தும் அரசாங்கத்தின் முடிவை எதிர்த்து ஒவ்வொரு வீட்டிலும் கறுப்புக் கொடி ஏற்ற வேண்டும் என்றும் அவர் மக்களிடம் கேட்டுக்கொண்டார்.
Discussion about this post