ரணில் விக்கிரமசிங்கவுக்கு பிரதமர் பதவி வழங்கும் எந்தத் திட்டமும் இல்லை என்று ஸ்ரீலங்கா பொதுஜன பெரமுன திட்டவட்டமாகத் தெரிவித்துள்ளது.
இன்று ஸ்ரீலங்கா பொதுஜன பெரமுனவின் தலைமை அலுவலகத்தில் நடந்த ஊடக சந்திப்பில் கருத்துத் தெரிவித்த அமைச்சர் ரோஹித அபேகுணவர்த்தன இந்தத் தகவலைத் தெரிவித்தார்.
பழமையான கட்சி ஒன்றை பூச்சிய நிலைமைக்குக் கொண்டுவந்தவர் ரணில் விக்கிரமசிங்க என்று தெரிவித்த அவர், அவருக்குப் பிரதமர் பதவியை வழங்க எமக்கு மூளைப் பிரச்சினை எதுவும் கிடையாது என்று கூறியுள்ளார்.
எம் வசம் தகுதியான பிரதமர் இருக்கின்றார் என்று கூறிய ரோஹித போகெல்லாகம, தேசிய அரசாங்கம் அமைக்கும் வங்குரோத்து நிலைக்கு நாம் செல்லவில்லை என்றும் கூறியுள்ளார்.
அதேவேளை, நாட்டிலுள்ள தற்போதைய நெருக்கடி நிலைமையை அடுத்து, தேசிய அரசாங்கம் ஒன்றை அமைக்கும் யோசனையில் அரச உயர்மட்டங்கள் உள்ளன என்று கூறப்படுகின்றது. இது தொடர்பாக கோரிக்கை விடுக்கப்பட்டால் பரிசீலிக்கத் தயார் என்று ரணில் விக்கிரமசிங்கவும் தெரிவித்துள்ளார்.
Discussion about this post