மளமளவென உயரும் இலங்கையின் கடன்! – மலைக்க வைக்கும் தகவல்!

இந்த ஆண்டின் முதல் ஆறு மாத காலப்பகுதியில் அரசாங்கத்தின் கடன் 6675 பில்லியன் ரூபாவால் உயர்வடைந்துள்ளது என்று மத்திய வங்கியின் அண்மைய அறிக்கை ஒன்றில் சுட்டிக்காட்டப்பட்டுள்ளது.

கடந்த 2021 ஆம் ஆண்டு டிசெம்பர் மாதம் அரசாங்கத்தின் மொத்தக் கடன் தொகை 17589.4 பில்லியன் ரூபாவாகக் காணப்பட்டது. இந்தக் கடன் தொகையானது இந்த ஆண்டு ஜூலை மாத இறுதியில் 24264.4 பில்லியன் ரூபாவாக உயர்வடைந்துள்ளது.

அரசாங்கத்தின் மொத்த கடன்களில் உள்நாட்டுக் கடன் தொகையானது இந்த ஆண்டின் முதல் ஆறு மாதங்களில் 11097.2 பில்லியன் ரூபாவிலிருந்து 12738.5 பில்லியன் ரூபாவாக உயர்வடைந்துள்ளது.

வெளிநாட்டுக் கடன் தொகையானது இந்தக் காலப் பகுதியில் 17589.4 பில்லியன் ரூபாவிலிருந்து 24264.4 பில்லியன் ரூபாவாக உயர்வடைந்துள்ளது.