இலங்கையில் உள்ள அரச நிறுவனங்கள் மற்றும் வழிபாட்டுத் தலங்களின் மேற்கூரைகளில் சூரிய மின் சக்திப் படலங்களை அமைப்பததற்கு இந்தியக் கடனுதவி பயன்படுத்தப்படவுள்ளது.
இந்திய கடனுதவியில் 100 மில்லியன் ரூபா இதற்காகப் பயன்படுத்தப்படும் என்று எரிசக்தி மற்றும் மின்சக்தி அமைச்சர் காஞ்சன விஜேசேகர தெரிவித்தார்.
பாடசாலைகள், பல்கலைக்கழகங்கள், கல்வி நிலையங்கள், மருத்துவமனைகள், மாவட்ட மற்றும் பிரதேச செயலகங்கள், அரச கட்டடங்கள் மற்றும் மத நிறுவனங்களில் சூரிய மின்சக்திப் படலங்கள் அமைக்கப்படவுள்ளன.
அதேவேளை, இலங்கை மின்சார சபைக்கு ஏற்பட்டுள்ள நட்டத்தை ஈடு செய்யும் வகையில் அண்மையில் மின்கட்டணம் வெகுவாக உயர்த்தப்பட்டுள்ளது. அதற்கு பல்வேறு தரப்புகளிடம் இருந்து எதிர்ப்புக்கள் கிளம்பியுள்ளன.
Discussion about this post