பருவமழையால் இடர் ஏற்படின் எதிா்கொள்ளத் தயார் நிலையில் முல்லைத்தீவு!!

பருவப் பெயர்ச்சி மழையால் ஏற்படும் இடர்களை எதிர்கொள்ளும்வகையில் முல்லைத்தீவு மாவட்டத்தில் 154 இடைத்தங்கல் முகாம்கள் அமைக்கப்பட்டுள்ளன என்று முல்லைத்தீவு மாவட்ட இடர் முகாமைத்து உதவிப் பணிப்பாளர் சி.லிங்கேஸ்வரகுமார் தெரிவித்தார்.

துணுக்காய் பிரதேச செயலகத்தில் நேற்று நடைபெற்ற முன்னேற்பாட்டுக் கூட்டத்தில் கருத்துத் தெரிவித்தபோதே அவர் இவ்வாறு தெரிவித்தார்.

அவர் மேலும் தெரிவித்துள்ளதாவது, முல்லைத்தீவு மாவட்டத்தில் 154 இடைத்தங்கல் முகாம்கள் தயார்ப்படுத்தப்பட்டுள்ளன. துணுக்காய் பிரதேச செயலர் பிரிவில் 35 இடைத்தங்கல் முகாம்கள் அமைக்கப்பட்டுள்ளன.

இயற்கை இடர் ஏற்படுடம் பட்சத்தில் மக்களைப் பாதுகாப்பாகத் தங்க வைக்கத் தேவையான அனைத்து ஏற்பாடுகளும் செய்யப்பட்டுள்ளன எனத் தெரிவித்தார்.