அமெரிக்காவின் நியூயோர்க் நகரில் பெய்த கனமழையால் மற்றும் ஆபத்தான புயலால் திடீர் வெள்ளப்பெருக்கு ஏற்பட்டது.
இதனால், நியூயோர்க் பெருநகரப் பகுதியிலும் கிழக்கு கடற்கரையை அண்டிய பிற முக்கிய நகரங்களிலும் நேற்று சுமார் 18 மில்லியன் மக்கள் வெள்ள எச்சரிக்கை நிலையை எதிர்கொண்டனர்.
நாட்டில் அதிக மக்கள்தொகை கொண்ட நகரத்தில் பெய்த கனமழையால் வீதிகள் சிறிய ஏரிகளாக மாறின.
கனமழை காரணமாக நியூயோர்க் நகரத்திற்கு மதியம் வரை வெள்ள எச்சரிக்கை தேசிய வானிலை சேவையால் விடுக்கப்பட்டது.
உயரமான இடத்திற்குச் சென்று உங்கள் உயிரைப் பாதுகாக்க விரைவாக செயல்படுங்கள்” என்று தேசிய வானிலை சேவை தனது வலைத்தளத்தில் வெளியிடப்பட்ட ஒரு ஆலோசனையில் தெரிவித்துள்ளது.
கடும் மழை காரணமாக நியூயோர்க் நகரம், லாங் தீவு மற்றும் ஹட்சன் பள்ளத்தாக்கு பகுதிகளில் அவசர நிலை பிரகடனம் செய்ய நியூயோர்க் ஆளுநர் கேத்தி உத்தரவிட்டுள்ளார்.
“பாதுகாப்பாக இருக்க நடவடிக்கை எடுங்கள், வெள்ளம் சூழ்ந்த வீதிகளில் பயணிக்க முயற்சிக்க வேண்டாம்” என்று அவர் எக்ஸ் சமூக ஊடக தளத்தில் வெளியிட்ட செய்தியில் தெரிவித்துள்ளார்.
Discussion about this post