தொடர் மழை; வெள்ளத்தில் தவிக்கும் மட்டக்களப்பு மக்கள்!

கடந்த 24 மணி நேரத்தில் மட்டக்களப்பு மாவட்டத்தில் பெய்த கடும் மழை காரணமாக இம்மாவட்டத்தின் பல பிர்தேசங்கள் வெள்ளத்தில் மூழ்கியுள்ளத்ாக மக்கள் அவதியுற்று வருகின்றனர்.

குறிப்பிட் 24 மணி நேரத்தில் இம்மாவட்டத்தில் 169.4 மில்லி மீட்டர் மழை பதிவாகியுள்ளதாக மாவட்ட வானிலை அவதான மையம் தெரிவித்துள்ளது.

பெரும்பாலான வீடுகளுள் வெள்ளம்

அதன்படி நேற்று திங்கட்கிழமை (01) பிற்பகல் 3 மணி முதல் இன்று 8.30 மணி வரையான காலப்பகுதியில் இம்மாவட்டத்தில் இடைவிடாத கடும் மழை பெய்தது.இதனால் பெரும்பாலான வீடுகளுள் வெள்ளம் புகுந்துள்ளது.

புதிய காத்தான்குடி ஆரையம்பதி களுவாஞ்சிக்குடி நாவற்குடா கொக்கட்டிச்சோலை உட்பட பல இடங்களில் வெள்ளம் ஏற்பட்டுள்ளதனால் மக்கள் பாதிக்கப்பட்டுள்ளனர்.

வெள்ளம் காரணமாக பல வீதிகளில் போக்குவரத்து சேவைகள் பெரிதும் பாதிக்கப்பட்டுள்ள அதேவேளை தொடர்ந்தும் அங்கு மழை பெய்து வருகிறதாக கூறப்படுகின்றது.